ភ្នំពេញ៖ អគ្គមេបញ្ជាការរងកងយុទ្ធពលខេមរភូមិន្ទ និងជាមេបញ្ជាការទ័ពជើងគោកលោកឧត្តមសេនីយ៍ឯក ហ៊ុន ម៉ាណែត បានប្រកាសរកឯកសារចាស់ៗដែលលោកបានរៀនពីថ្នាក់បឋមដល់វិទ្យាល័យ ដើម្បីរម្លឹកនូវអនុស្សាវរីយ៍ចាស់ៗដែលបានឆ្លងកាត់។

លោក ហ៊ុន ម៉ាណែត បានបង្ហោះនៅលើ facebook របស់លោកនៅថ្ងៃអាទិត្យ ទី២៧ ខែវិច្ឆិកានេះ ដោយភ្ជាប់ជាមួយនឹងឯកសារចាស់ៗជាច្រើនសន្លឹកដែលបញ្ជាក់ពីការសិក្សារបស់លោកនិងលិខិតសរសើរផងដែរ។

លោកថា ឯកសារទាំងនេះត្រូវបានសហការីលោករក្សាទុកនិងទើបតែផ្ញើជូន។

លោកសរសេរថា៖ «ក្រដាស់ប៉ុន្មានសន្លឹកនេះគឺស្ថិតក្នុងចំណោមឯកសារមួយចំនួន ដែលកាលពីជាងសាមសិបឆ្នាំមុនបានធ្វើអោយរូបខ្ញុំ ក៏ដូចជាឪពុកម្តាយរបស់ខ្ញុំមានសេចក្តីរំភើបរីករាយជាខ្លាំងពេលបានទទួលវាម្តងៗ:grinning: ថ្ងៃនេះខ្ញុំអាចបង្ហាញវាទៅកូនៗរបស់ខ្ញុំ ហើយសង្ឃឹមថាសាមសិបឆ្នាំខាងមុខ ខ្ញុំនឹងអាចបង្ហាញវាទៅចៅៗរបស់ខ្ញុំដែរ:grinning:»។

លោកថា៖ «ឯកសារដែលនៅសេសសល់មួយចំនួនតូចនេះបានរក្សាទុកជាងដប់ឆ្នាំកន្លងមក ហើយលោកទើបទទួលបាន»៕